?

Log in

No account? Create an account

Previous Entry | Next Entry

Искаху же его въ градѣ Римстѣ и не обрѣтоша его. И посла отецъ его отрокы искати его, и не обрѣтоша его. Пришедше въ Едесъ град Месопотамию и даша ему отроци свои милостыню и не познаша его. Видѣвъ же á, он позна á и прослави Бога и рече: «Благодарю тя, Господи, яко сподобил мя еси приати милостыню от своих домочадець имени твоего ради». И обратишася отроцѣ его в Рим и възвѣстиша господину своему, яко не обрѣтохом его.

Мати же его, от того часа брачнаго, егда искааху егои не обрѣтоша, вшедши в ложницю свою и отврьзши оконце възглавии своем и пославши вретище, попелом посыпа, молящеся Богу, глаголющи: «Не имам въстати отсюду, дондеже увѣмъ о сыну своем единочадѣм, камо ся дѣ». А отець его, отнелѣже родися сынъ его, не прилѣпися женѣ своей, глаголя к ней: «Моливѣ Бога, да пощадит отроча, еже нама дасть».

Сътворшу же отрочатѣ 17 лѣт въ папрьтѣ Святыа Богородица и угоди Господеви своему: явися во сънѣ понамаревѣ святая Богородица, глаголющи: «Въведи человѣка Божиа въ церковь мою, яко достоинъ есть царства небесьнаго, яко миро бо добровоня молитва его есть и якоже вѣнець на главѣ цесареви, тако почиваетъ Духъ Святый на немь. И яко же солнце сияетъ въ всь миръ, тако просияетъ житие его прѣдъ ангелы Божии». Пономарь же ища того человѣка, и не обрѣте, и обратися моляся Богородицы, да явить ему человѣка того. Глаголя же пакы къ нему Богородица въторое: «Убогый сѣдя прѣдъ двьрьми цьрьковными, тъ есть человѣкъ Божий». Изиде же пакы въ папьртъ и обрѣте и´, имы и´ за руку, въведе и´ въ цьрковь, и оттолѣ служаше ему вельми.

И прослу слово то человѣка Божия въ вьсемь градѣ томь. Видѣвъ же, яко познаша и´ вьси, отбѣжа от града того и пришьдъ въ Лаодикию, вълѣзе въ корабль и хотя преехати въ Таръсъ Киликию, зане ту не знаяхуть его.

Волею же Божиею прегънанъ бысть корабль вѣтръмь бурьнъмь и приде въ Римъ. Излѣзъ же ис корабля, рече: «Живъ Господь Богъ мой! Не буду тяжькъ никомуже иному: въ домъ отца моего да иду, яко и ту незнаемъ есмь». Ида же, сърѣте отца своего, идуща от полаты въ врѣмя обѣда, и поклонися ему, глаголя: «Рабе Божий, помилуй мя, убогаго страньна, и не дѣи мене въ дворѣ своемь, да ся насыщаю и азъ съ рабы твоими “от крупиць, падающи съ тряпезы” твоея. Богъ же да благословить лѣта твоя и да ти подасть царьство небесное, и яже имаши на страньнѣй земли да благословить и да тя насытить упъвания своего». Слышавъ же отецъ его, паче о страньныхъ тъщънѣи бысть въвести въ домъ свой, и рече къ отрокомъ своимъ: «Къторый от васъ служити ему хощеть? Да аще угодить ему, живъ Господь, яко свободьнъ будеть и участке имать възяти въ дому моемь. Нъ въ папьртѣ въхода моего сътворите ему хыжицю, да вълазя и излазя, зьру его. Давайте же ему от моея яди и тряпезы». — И бѣ ему суровъ приснъ.
https://vk.com/originali?w=wall-43410177_1516

Profile

РЛ
barjaktarevic
barjaktarevic

Latest Month

August 2019
S M T W T F S
    123
45678910
11121314151617
18192021222324
25262728293031

Tags

Powered by LiveJournal.com
Designed by Tiffany Chow